Det var uti august, ein varm og fin dag
Eg hadde vori i fjellet
Måtte sjå til moltemyrane,
om det var noko
Eg får ikkje fred på meg
før dei er skygna
Det er ikkje så nøye
om det er mykje bær
Berre eg får gått runden
Det blir mest som ei jakt
spenninga når ein kjem
fram til neste myr
- Her skulle det vera bær,
det var mykje her i fjor -
Å - det lyser gult bortetter
Fram med spannet
trå forsiktig!
må ikkje øydelegge nokon ...
Etterpå er det godt å setta seg ned
med nistepakka og kaffekoppen
Eg går videre, kjem innpå ei myr som eg må krysse
Midt utpå er det ei tuve
Tenkjer ikkje så mykje over det med det same
Før eg kjem ganske nær; Tuva leer på seg !
Det er eit dyr ! Ein bjønn ?
Ein elg !
Eg går stille bakover, i eigne fotspor
Elgen lyfter på hovudet og glaner;
Kva vekte meg ?
Eg står i kanten på myra, ser på dyret som ligg der
Er det dårlig ?
Eller sint ? Fordi eg kom brasande her
når det skulle kvile ?
Elgen reiser seg opp, spring framleis ikkje vekk
Eg har skjorta mi i handa, viftar med den
- kom deg unna, du står midt i vegen for meg -
Endelig skjønar den,
Det er ikkje eit dyr som trår i myra, men eit menneskjekryp -
som vil heimatt !
Ha det bra vesle elg, håper du slepp unna jegerane i haust !!
Eg ruslar videre...
Dagen er redda, fullt spann, og sett elg attpå te !
Ingen kommentarer:
Legg inn en kommentar